நடிகர் வினுசக்ரவர்த்தி மரணம்!

பிரபல நடிகர் வினுசக்ரவர்த்தி (74) சென்னையில் போலிஸ் சப் -இன்ஸ்பெக்டராக தனது வாழ்க்கையை ஆரம்பித்து, பிரபல கன்னட இயக்குனர் புட்டண்ணா கனகல் அவர்களிடம் கதாசிரியர் மற்றும் உதவி இயக்குனராக பணி புரிந்தார்.

‘ரோசாப்பூ ரவிக்கைகாரி’ படம் மூலம் திரைக்கதை எழுதி நடிகராக தமிழ் சினிமாவில் அறிமுகமானார். அதன் பின்பு ‘வண்டி சக்கரம் ‘,’கோயில் புறா’,’இமைகள்’, ‘பொண்ணுக்கேத்த புருஷன் ‘ ஆகிய படங்களுக்கு கதை-திரைக்கதை, வசனம் எழுதி துணை இயக்குனராகவும் பணி புரிந்தார். தமிழ், தெலுங்கு,மலையாளம், கன்னடம், படுகா,இந்தி,ஆங்கிலம் போன்ற மொழிகளில் 1003 படங்களில் நடித்துள்ளார். அவரது கடைசி படம் சீரடி சாய்பாபா.

தனது இயல்பான நடிப்பால் மக்கள் அனைவரையும் கவர்ந்த இவர் இன்று வியாழக்கிழமை காலமானதை அறிந்து அதிர்ச்சியுற்றோம்.அன்னாரின் ஆத்மா சாந்தி அடையவும், அவரது பிரிவால் வாடும் குடும்பத்தினருக்கு ஆறுதலையும் தென்னிந்திய நடிகர் சங்கம் தெரிவித்துக் கொள்கிறது.

1000-க்கும் மேற்பட்ட படங்களில் நடித்த விணுசக்ரவர்த்தி, நேற்று சென்னையில் காலமானார். அவருக்கு வயது 74. கடந்த 3 ஆண்டுகளாக உடல் நலக்குறைவால் பாதிக்கப்பட்டிருந்த விணுசக்ரவர்த்தி, நேற்று இரவு 7 மணிக்கு உயிரிழந்தார். அவரது உடல் சென்னை சாலிகிராமத்தில் உள்ள அவரது இல்லத்தில் பொது மக்கள் அஞ்சலிக்காக வைக்கப்பட்டுள்ளது. சினிமா பிரபலங்கள் அவருக்கு அஞ்சலி செலுத்தி வருகிறார்கள். இறுதி சடங்கு இன்று மாலை நடைபெறுகிறது.

மதுரை மாவட்டம் உசிலபட்டி மேலப்புதுர்ஆதிமூலத்தேவர், மஞ்சுவாணி தமபதியினருக்கு 1945ஆம் ஆண்டு டிசம்பர் மாதம் பதினைந்தாம் தேதி மூத்தமகனாக பிறந்தவர் விணு சக்கரவர்த்தி. இவருடன் பிரேமகாந்தன் என்கிற தம்பியும், குண்டலகேசி என்கிற தங்கையும் பிறந்தனர். சென்னை இராயப்பேட்டையில் உள்ள வெஸ்லிபள்ளியில் படிக்கத் தொடங்கியவர், மீனம்பாக்கம் ஏ.எம்.ஜெயின் கல்லூரி, மற்றும் சென்னை பல்கலைக்கழக்கத்திலும் பட்டப் படிப்பு படித்தவர்.

ஆரம்பத்தில் ஆறு மாதம் காவல்துரை அதிகாரியாக ஐஸ்ஹவுஸ் பகுதியில் பதவி வகித்தவர். தென்னகரயில்வேயில் நான்கு வருடங்கள் பணிபுரிந்த போது நாடகம் இலக்கியம் என்று நாட்டம் வரவே, அதில் ஈடுபட ஆரம்பித்தார். டான்ஸ் மாஸ்டர், வியட்நாம் வீடு, தங்கப்பதக்கம், யாரோ இவர் யாரோ போன்ற நாடகங்களில் தொடர்ந்து நடித்து வந்தார். மறைந்த கன்னட இயக்குநரும் எழுத்தாளருமான புட்டன்ன கனகலிடம் உதவியாளராக சேர்ந்த இவர், சினிமா பற்றி அவரிடம் தெரிந்து கொள்ள ஆரம்பித்தார்.

1977-ல் திருப்பூர் மணி தயாரிப்பில் சிவக்குமார் நடித்த நூறாவது படமான ’ரோசாப்பு ரவிக்கைக்காரி’ படத்திற்கு திரைக்கதை எழுதி, அதில் ஒரு வேடத்திலும் நடித்து நடிகராக அறிமுகமானார். மணிவண்ணன் இயக்கிய ’கோபுரங்கள் சாய்வதில்லை’, பாரதிராஜா இயக்கிய ’மண்வாசனை’ ஆகிய இரு படங்களும் இவரது சினிமா வாழ்க்கையில் திருப்புமுனையை ஏற்படுத்தியது.

தமிழ், தெலுங்கு, மலையாளம், கன்னடம், இந்தி, ஆங்கிலம் ஆகிய ஆறு மொழிகள் பேசதெரிந்த இவர், தமிழில் ஆயிரம் படங்களுக்கு மேல் நடித்திருக்கிறார். மலையாளத்தில் முப்பது,தெலுங்கில் ஐந்து, படுக மொழியில் ஒரு படம் என நான்கு மொழி படங்களிலும் நடித்திருக்கிறார். இவருக்கு தமிழக அரசு கலைமாமணி விருது வழங்கி கௌரவித்துள்ளது.

’வண்டிச்சக்கரம்’, ’கோயில் புறா’, ’இமைகள்’, ’பொண்ணூக்கேத்த புருஷன்’ போன்ற படங்களில் கதை, திரைக்கதை, வசனம் எழுதி இனை இயக்குநராகவும் பணியாற்றி இருக்கிறார். நடிகை சில்க் ஸ்மிதாவை பெயர் வைத்து சினிமாவுக்கு அறிமுகப் படுத்தியவர் இவர். இவருக்கு கர்ணபூ என்கிற மனைவியும், சண்முகப் பிரியா என்கிற மகளும், சரவன ப்ரியன் என்கிற மகனும் உள்ளனர்.