Category: செய்திகள்

தமிழக மீனவர்கள் மீது தாக்குதல்: கருணாநிதி கண்டனம்

தி.மு.க. தலைவர் கருணாநிதி வெளியிட்டுள்ள அறிக்கையில் கூறியிருப்பதாவது:- கோடியக்கரை அருகே 18-8-2012 அன்றிரவு மீன் பிடித்துக்கொண்டிருந்த வேதாரண்யம் பகுதி மீனவர்களை இலங்கைக் கடற்படையினர் கடுமையாகத் தாக்கியிருக்கின்றனர். மீனவர்கள் வைத்திருந்த மீன்கள், டீசல் உள்ளிட்ட பொருள்களைக் கைப்பற்றிச் சென்றுள்ளனர். இந்தத் திடீர் தாக்குதலில் தமிழக மீனவர்கள் நிலைகுலைந்து போய் கதறியுள்ளனர். இந்தத் தாக்குதலில் வெள்ளப்பள்ளம் கிராமத்தைச் சேர்ந்த குப்புசாமி என்பவருக்கு கையில் பலத்த காயம் ஏற்பட்டது. அவருடன் சென்ற மீனவர்கள் மகாலிங்கம், அன்பு மற்றும் பிற படகுகளில் சென்ற…

தைபூன் சூறாவளி: வியட்நாமில் 27 பேர் பலி

வியட்நாமின் வடக்கு பகுதியில் கை டாக் என்று பெயரிடப்பட்ட தைபூன் சூறாவளி கடுமையாக தாக்கியது. சீனாவிலிருந்த வந்த இந்த கடுமையான சூறாவளி காற்றுடன் கொட்டித்தீர்த்த மழைக்கு அங்கு நிலச்சரிவும் ஏற்பட்டது. வெள்ளத்தில் இழுத்து செல்லப்பட்டு, நிலச்சரிவில் சிக்கி மற்றும் வீடுகள் இடிந்து விழுந்து இறந்தவர்களின் எண்ணிக்கை மொத்தம் 27 ஆக உயர்ந்துள்ளது. வார இறுதி நாட்களில் தாக்கிய இந்த சூறாவளிக்கு 12,000 வீடுகள் சேதமடைந்து, 56,800 ஏக்கரில் பயிரிடப்பட்ட நிலங்கள் தண்ணீரில் முழ்கியுள்ளன.  திடீரென ஏற்பட்ட வெள்ளத்திற்கு…

ஆஸ்திரேலியா அருகே பசிபிக் கடலில் கடும் நிலநடுக்கம்

ஆஸ்திரேலியா அருகே பசிபிக் கடலில் பப்புவா நியூகினியா நாடு உள்ளது. இது தீவுகள் அடங்கியது. இன்று காலை (ஆக.20) அங்கு கடும் நிலநடுக்கம் ஏற்பட்டது. இதனால் வீடுகள் மற்றும் கட்டிடங்கள் குலுங்கின. பீதி அடைந்த மக்கள் தங்கள் வீடுகளை விட்டு வெளியேறி ஓட்டம் பிடித்தனர். பாதுகாப்பான இடங்களில் தங்கினர். அங்கு 6.2 ரிக்டர் அளவில் நிலநடுக்கம் ஏற்பட்டதாக அமெரிக்க புவியியல் சர்வேமையம் அறிவித்தது. மவுண்ட் கேகன் நகரின் வடமேற்கே 115.கி.மீட்டர் தூரத்தில் 77 கி.மீட்டர் ஆழத்தில் இந்த…

வழக்கு, சிறை: அஞ்சமாட்டேன், விஜயகாந்த்

ஆட்சியில் உள்ள குறைகளை கூறினால் என் மீது வழக்கு தொடுக்கப்படுகிறது; வழக்கு, சிறை எதற்கும் நான் அஞ்சமாட்டேன் என்று தேமுதிக தலைவர் விஜயகாந்த் கூறினார். கிருஷ்ணகிரி ரவுண்டானா அருகே ஞாயிற்றுக்கிழமை தேமுதிக சார்பில் நடைபெற்ற நலத் திட்ட உதவிகள் வழங்கும் விழாவில் அவர் பங்கேற்று பேசியதாவது: தமிழகத்தில் கனிம வளங்கள் அதிகளவில் சுரண்டப்படுகின்றன. கிருஷ்ணகிரி மாவட்டத்தில் அதிகளவில் கனிம வளங்கள் உள்ளன. இந்தப் பகுதியில் கிரானைட் கல்கள் அதிகளவில் வெட்டியெடுக்கப்படுகின்றன. இதில் முறைகேடுகளை தடுப்பதாகக் கூறி, அதிகாரிகள்…

மயிலாடுதுறை அருகே 300 பவுன் நகை கொள்ளை

மயிலாடுதுறை அருகே ஜுவல்லரி மற்றும் அடகு கடையில் 300 பவுன் மதிப்புள்ள நகைகளை கொள்ளை அடித்துவிட்டு 6 பேர் கொண்ட கும்பல் தப்பிச்சென்றது. இந்த கொள்ளை சம்பவம் மயிலாடுதுறை பகுதியில் பெரும் பரபரப்பை ஏற்படுத்தி உள்ளது. மயிலாடுதுறை அருகே 300 பவுன் நகை கொள்ளை நாகை மாவட்டம் மயிலாடுதுறை அருகே உள்ள செம்பனார் கோவில் மேல முக்கூட்டு மெயின் ரோட்டில் வசித்து வருபவர் அருணாசலம். இவர் தனது வீட்டின் முன்புறம் அடகு கடை மற்றும் அருணா ஜுவல்லரி…

மகாராஷ்ட்ராவில் கடலில் மூழ்கி ஏழு பேர் பலி

மகாராஷ்டிரா மாநிலம் ரத்னகிரி மாவட்டத்தில் கன்பட்புலே என்னும் கடற்கரை உள்ளது. சோலாப்பூர் மற்றும் தானே பகுதியிலிருந்த சுற்றலா வந்த ஏழு பேர் அங்குள்ள கடற்கரையில் குளித்திருக்கிறார்கள். அப்போது கடுமையான கடல் நீரோட்டப்பகுதிக்கு சென்ற அவர்கள் அதில் சிக்கி கடலின் ஆழமான பகுதிக்கு சென்று காணாமல் போயிருக்கலாம் என்று அஞ்சப்படுகிறது. இதில் இறந்தவர்களில் ஐவரின் உடல்கள் கரையோரம் ஒதுங்கியுள்ள நிலையில், மற்ற இருவரின் உடல்கள் சிக்கவில்லை. இறந்தவர்கள் ஐவர் யார் என அடையாளம் கண்டு பிடிக்கப்பட்டுள்ளதாக காவலர்கள் தெரிவித்துள்ளனர்.

மெகந்தியால் அலர்ஜி: வதந்தியால் இரவு முழுவதும் பரபரப்பு

செஞ்சி பகுதியில் ரம்ஜான் பண்டிகையை முன்னிட்டு பெண்கள் தங்கள் கைகளை அழகுபடுத்த கடைகளில் விற்கப்படும் மெகந்தியை (கோன்) வாங்கி அலங்காரம் செய்து கொண்டனர். இதை பயன்படுத்திய சிலருக்கு கைகளில் அலர்ஜி, மயக்கம் ஏற்படுவதாக நேற்று இரவு தகவல் பரவியது. இதையடுத்து நள்ளிரவு இரவு 2 மணிக்கு சொரத்தூர் மற்றும் அப்பம்பட்டை சேர்ந்த  சில பெண்கள் மருத்துவமனைக்கு  சென்று சிகிச்சை பெற்றதாகவும், இதில் ஒரு பெண்ணுக்கு மயக்கம், தலைவலி இருந்ததால் செஞ்சியில் இருந்து மேல்சிகிச்சைக்காக முண்டியம்பாக்கம் அரசு மருத்துவ…

ரம்ஜான்: ஆளுநர், முதல்வர் வாழ்த்து

தமிழக ஆளுநர் கே. ரோசய்யா, முதல்வர் ஜெயலலிதா ரம்ஜான் திருநாளையொட்டி, இஸ்லாமிய பெருமக்களுக்கு தங்களது வாழ்த்துகளை தெரிவித்துள்ளனர். இது குறித்து ஆளுநர் வெளியிட்டுள்ள வாழ்த்துச் செய்தியில்: ரம்ஜான் திருநாளையொட்டி முஸ்லிம் சகோதர, சகோதரிகளுக்கு எனது இதயப்பூர்வமான நல்வாழ்த்துகளை தெரிவித்துக் கொள்கிறேன். புனித குரான் கூறியுள்ள கொள்கைகளை பின்பற்றி உண்மையான, உத்தமமான வாழ்க்கையை மேற்கொள்ள தீர்மானிப்போம். உண்ணாநோன்பை முடித்துக் கொள்ளும் இந்த திருநாளானது, நம்மிடையே பகிர்ந்து கொள்ளுதல், ஈகை, அன்பு, கருணை, பரஸ்பர நட்பு, சமாதானம் போன்ற நற்குணங்களை…

சின்சின்னாட்டி டென்னிஸ்: பெடரர் சாம்பியன்

சின்சின்னாட்டிஸ் இறுதி போட்டியில் நேற்று சுவிட்சர்லாந்தின் ரோஜர் பெடர், 2வது இடத்தில் உள்ள ஜோகோவிச்சுடன் மோதினார். இதில் பெடரர், 6-0, 7-6(7) என்ற செட் கணக்கில் ஜேதகோவிச்சை வீழ்த்தி 5வது முறையாக சாம்பியன் பட்டம் வென்றார்.

ரம்ஜான் வாழ்த்து பிரதமர் மன்மோகன்சிங்

ரம்ஜான் பண்டிகையையொட்டி பிரதமர் மன்மோகன்சிங் வாழ்த்துச்செய்தி வெளியிட்டுள்ளார். அதில் அவர், ஈத் பெருநாள், மகிழ்ச்சிக்குரிய பண்டிகை ஆகும். இந்த பண்டிகை சகோதரத்துவ உணர்வையும், தியாகத்தையும் வெளிப்படுத்துகிறது. இந்த ஆண்டு ஈத் பண்டிகை நமது கலாசார பிணைப்பினை வலுப்படுத்தட்டும். அனைவருக்கும் சமாதானத்தையும், வளத்தையும் கொண்டு வரட்டும் என கூறியுள்ளார்.