ஆர்.கே நகர் தொகுதியில் ஏப்ரல் 12 ஆம் தேதி தேர்தல்

சென்னை ஆர்.கே நகர் தொகுதிக்கு வரும் ஏப்ரல் 12 ஆம் தேதி இடைத் தேர்தல் நடத்தப்படும் என்று தேர்தல் ஆணையம் அறிவித்துள்ளது.

முன்னாள் முதல்வர் ஜெயலலிதா உயிரிழந்ததை தொடர்ந்து அவர் வெற்றி பெற்ற ஆர்.கே நகர் காலியாக இருந்தது. உறுப்பினர் இறந்து 6 மாதத்திற்கு அந்த தொகுதிக்கு இடைத் தேர்தல் நடத்த வேண்டும்.

இந்த நிலையில், ஏப்ரல் 12 ஆம் தேதி ஆர்.கே நகர் இடைத் தேர்தல் நடக்கும் என்று தேர்தல் ஆணையம் இன்று அறிவித்துள்ளது. வேட்பு மனு தாக்கல் மார்ச் 23 ஆம் தேதி தொடங்குகிறது. மார்ச் 24 ஆம் தேதி வேட்பு மனுக்கள் மீதான பரிசீலனை நடத்தப்படும். மார்ச் 27 ஆம் தேதி வேட்பு மனுக்களை திரும்பப் பெற கடைசி தேதியாகும். ஏப்ரல் 15 ஆம் தேதி வாக்கு எண்ணைக்கை நடைபெறும், என்றும் தெரிவிக்கப்பட்டுள்ளது.