ஆர்.கே.நகரில் நுழைய கனிமொழிக்கு தடை!

ஆர்.கே.நகர் இடைத் தேர்தல் குறித்த கருத்து கணிப்பில் திமுக-வுக்கு பெரும் ஆதரவு கிடைத்திருப்பதால் அக்கட்சி உற்சாகத்தில் இருப்பதாக கூறப்படுகிறது.

அதே சமயம், செயல் தலைவர் என்ற கம்பீரத்துடன் தொடர்ந்து நடக்க ஆர்.கே.நகர் தேர்தலில் வெற்றி பெற்றாக வேண்டிய கட்டாயத்தில் ஸ்டாலின் இருக்கிறார்.
அதிமுக-வின் கோட்டையாக இருந்த ஆர்.கே.நகர் தொகுதி தற்போது ஆட்டம் கண்டுள்ளதை பயன்படுத்தி வெற்றி பெற நினைக்கும் ஸ்டாலின், இந்த வெற்றி தனக்கானதாக மட்டுமே இருக்க வேண்டும், என்ற முடிவிலும் இருக்கிறாராம். இதற்காக, அத்தொகுதியில் கனிமொழி பிரச்சாரம் செய்வதற்கு அவர் தடை விதித்துள்ளதாகவும், இதனால் கனிமொழி தரப்பு அதிருப்தி அடைந்திருப்பதாகவும் கூறப்படுகிறது.

ஏற்கனவே டெல்லி விவகாரங்களை கவனிப்பதிலும் கனிமொழியை கழட்டிவிட்டுள்ள ஸ்டாலின், தற்போது தமிழக அரசியலிலும் கனிமொழியை ஓரம்கட்டி வருவதாக திமுக வட்டாரத்தில் பேச்சு அடிபடுகிறதாம்.

Share This Post