ஜெயம் ரவி -த்ரிஷா ஜோடியாக நடிக்கும் பூலோகம்

கற்பனைக்கு அப்பாற்பட்ட பிரம்மாண்டமான காட்சிகள் தமிழ் திரை உலகில் அத்தி பூத்தார் போல் அதிசயமாக தோன்றுவதுண்டு. கதைக்கு தேவையான காட்சி அமைப்புக்குக்காக  பணத்தை வாரி இறைத்து அப்பேற்பட்ட காட்சிகளை  படமாக்க ஒரு உன்னத தயாரிப்பாளர் தேவை… இது எல்லா இயக்குனர்களுக்கும்  இருக்கும்

ஆசை!!!

 பூலோகம் படத்தின் இயக்குனர்  கல்யாண் கிருஷ்ணன் அவ்வகையில் கொடுத்து வைத்தவரே!!! இதை  அவரது இயக்கத்தில்  ஜெயம் ரவி -த்ரிஷா ஜோடியாக நடிக்கும் பூலோகம் படத்தின் படப்பிடிப்பை காண்பவர்கள் ஆமோதிக்கவே செய்வர்.

 படத்தின் climax காட்சிக்கான சண்டை காட்சியை திருவண்ணாமலையில்  படமாக்கி வரும் இயக்குனர் ‘இந்த  சண்டை காட்சிக்கான செலவு ருபாய் நான்கு  கோடியையும்  தாண்டும்.

 இடைவிடாமல் பத்து நாட்களுக்கு மேல் நடை பெற உள்ள இந்த சண்டை காட்சிக்காக திருவண்ணாமலையில் பிரம்மாண்டமான அரங்கு அமைக்க பட்டு உள்ளது , அத்துடன் இதற்காகவே சென்னையில் இருந்து 1000க்கும்  மேற்பட்ட துணை நடிக நடிகையர் , திருவண்ணாமலை சுற்று வட்டாரத்தில் இருந்து தேர்ந்து எடுக்கப்பட் 4000 மாணவர்கள் , தமிழகமெங்கும் இருந்து வரவழைக்க பட்ட 150 க்கும் மேற்பட்ட விளையாட்டு வீரர்கள் , திருவண்ணாமலை மாவட்டத்தில் இருந்து தேர்ந்தெடுக்கப்பட்ட 500க்கும் மேற்பட்ட ஓட்ட பந்தய -தட கள  வீரர்கள் என திருவண்ணாமலை நகரமே விழா கோலம் பூண்டிருக்கிறது.

இந்த காட்சி பெருமளவில் பேசப்பட்டு ரசிகர்களை கவரும் ‘ என்று நம்பிக்கையோடு கூறினார் .செலவு ஒரு புறம் இருக்க ,  சுட்டெரிக்கும் வெயிலிலும் சிரமங்கள்  பாராமல்  இந்த திருவிழா கூட்டத்தை

ஒருங்கிணைத்து படப்பிடப்பை  செவ்வனே செய்து வரும் இயக்குனருக்கு தயாரிப்பு வட்டாரம் புகழாரம் சூட்டுகிறது .

பாதிக்கப்பட்ட டெல்டா விவசாயிகளுக்கு ஏக்கருக்கு ரூ.15 ஆயிரம் நிவாரணம் : முதல்வர் அறிவிப்பு

பாதிக்கப்பட்ட டெல்டா விவசாயிகளுக்கு ஏக்கருக்கு ரூ.15 ஆயிரம் நிவாரணம் நிதி வழங்கபப்டும் என்று முதல்வர் ஜெயலலிதா சட்டப் பேரவையில் இன்று அறிவித்தார்.

தமிழ்நாடு சட்டமன்றப் பேரவையில் ஆளுநரின் பேருரைக்கு நன்றி தெரிவிக்கும் தீர்மானத்தின் மீது நடைபெற்ற விவாதத்திற்கு அளித்த பதில் வருமாறு:

1) மத்திய அரசின் பேரிடர் நிவாரண வரையறைபடி, நெற்பயிரை இழந்த சிறு மற்றும் குறு விவசாயிகளுக்கு, ஏக்கர் ஒன்றுக்கு, 2,429 ரூபாய் மட்டுமே நிவாரணமாக வழங்க இயலும். மாநில பேரிடர் நிவாரண வரையறைபடி, ஏக்கர் ஒன்றுக்கு, 4,000 ரூபாய் மட்டுமே நிவாரணமாக வழங்க இயலும். இருப்பினும், இந்த 4,000 ரூபாய் நிவாரணத் தொகை, 5,000 ரூபாயாக உயர்த்தி வழங்கப்படும் என்று நான் ஏற்கெனவே அறிவித்திருந்தேன்.

இதுவன்றி, பயிர் இழப்புக்காக காப்பீட்டு நிறுவனங்களிடமிருந்து ஏக்கர் ஒன்றுக்கு, 8,692 ரூபாய் வரை பெற இயலும் என்றும் தெரிவித்து இருந்தேன். இங்கே பல உறுப்பினர்கள் சுட்டிக் காட்டியுள்ளபடி, காப்பீட்டு நிறுவனம், குசைமய அடிப்படையில், 5 கிராமங்களைத் தெரிந்தெடுத்து, ஒவ்வொரு கிராமத்திலும் இரண்டு அறுவடை சோதனைகளை மேற்கொண்டு, அந்த சோதனை முடிவுகளின் அடிப்படையிலும்; கடந்த மூன்று ஆண்டுகளில் கிடைக்கப் பெற்ற சராசரி விளைச்சலின் அடிப்படையிலும்; காப்பீட்டு நிவாரணத் தொகையை நிர்ணயிக்கும். இவ்வாறு, காப்பீட்டு நிவாரணத் தொகையை நிர்ணயம் செய்யும்போது 100 விழுக்காடு மகசூல் இழப்பு ஏற்பட்டால்தான், ஒரு ஏக்கருக்கு முழுக்காப்பீட்டுத் தொகையான 8,692 ரூபாய் கிடைக்கும். 50 விழுக்காடு மகசூல் இழப்பு ஏற்பட்டால், ஒரு ஏக்கருக்கு சுமார் 4,350 ரூபாய்தான் காப்பீட்டு நிவாரணத் தொகையாக கிடைக்கும். மேலும், சோதனை அறுவடை செய்து முடிக்கப்பட்டு, காப்பீட்டு நிவாரணத் தொகை பெறுவதற்கு தாமதம் ஏற்படும்.

இதனைத் தவிர்க்கும் வகையில், 50 விழுக்காட்டிற்கும் மேல் மகசூல் இழப்பு ஏற்பட்டுள்ள விவசாயிகளுக்கு முழு காப்பீட்டு நிவாரணத் தொகையை முன் கூட்டியே தமிழக அரசு வழங்கும். இதன்படி, 50 விழுக்காட்டிற்கு மேல் மகசூல் பாதித்துள்ள 1 லட்சத்து 75 ஆயிரம் விவசாயிகளின் 3.61 லட்சம் ஏக்கர் பயிர்களுக்கு, ஏக்கர் ஒன்றுக்கு, 15,000 ரூபாய் என்ற வீதத்தில் நிவாரணத் தொகை வழங்கப்படும். அதாவது, பேரிடர் நிவாரணம், வேளாண் பயிர்க் காப்பீடு, மற்றும் சிறப்பு கூடுதல் நிவாரணம் என மொத்தமாக, ஏக்கர் ஒன்றுக்கு 15,000 ரூபாய் உடனடியாக விவசாயிகளுக்கு எனது தலைமையிலான அரசால் வழங்கப்படும். இதனால், அரசுக்கு 541 கோடியே 50 லட்சம் ரூபாய் செலவு ஏற்படும்.

2) காவேரி டெல்டா விவசாயிகள் அனைவருக்கும் தமிழக அரசே பயிர்க் காப்பீட்டுத் தொகையை செலுத்தியுள்ளதால், 50 விழுக்காட்டிற்கும் குறைவாக பயிரிழப்பு ஏற்பட்டுள்ள விவசாயிகளுக்கும், அந்தந்த பகுதிகளில் ஏற்பட்டுள்ள சராசரி பயிரிழப்புக்கு ஏற்ப, காப்பீட்டு நிவாரணம் வழங்கப்படும். காப்பீட்டு நிறுவனத்தின் அனுமதி கிடைக்கப் பெற்றவுடன், இந்த நிவாரணம் வழங்கப்படும்.

3) தேசிய ஊரக, வேலை உறுதித் திட்டத்தின் கீழ், 100 நாட்கள் பணி வரம்பு என்பது 150 நாட்களாக உயர்த்தப்படும்.

4) தேசிய ஊரக வேலை உறுதித் திட்டத்தின் கீழ், ஊரக வளர்ச்சி மற்றும் ஊராட்சித் துறை வாயிலாக, 181 கோடி ரூபாய் மதிப்பீட்டில் 15,000 பண்ணை குட்டைகள் டெல்டா மாவட்டங்களில் அமைக்கப்படும்.

5) இதர வேலைவாய்ப்புப் பணிகள், 1,336 கோடி ரூபாய் மதிப்பீட்டில் செயல்படுத்தப்படும். மொத்தத்தில், காவேரி டெல்டா பகுதியில் உள்ள விவசாயத் தொழிலாளர்கள், இந்தப் பணிகள் மூலம் 1,517 கோடி ரூபாய் அளவுக்கு ஊதியம் பெறுவர்.

6) வறட்சி காரணமாக ஏற்படும் கால்நடை தீவனப் பற்றாக்குறையை தீர்க்கும் வகையில், கால்நடை பராமரிப்பு, பால் வளம் மற்றும் மீனளத் துறை வாயிலாக 5 கோடி ரூபாய்க்கு பசுந்தீவனம்; 15 கோடி ரூபாய்க்கு அடர் தீவனம்; 15 கோடி ரூபாய்க்கு உலர் தீவனம் மற்றும் 12 கோடியே 35 லட்சம் ரூபாய்க்கு பண்ணை குட்டைகளில் உள்நாட்டு மீன் வளர்ப்பு என 47 கோடியே 85 லட்சம் ரூபாய் மதிப்பிலான திட்டங்கள் மேற்கொள்ளப்படும்.

7) வறட்சி காரணமாக டெல்டா பகுதிகளில் ஏற்பட்டுள்ள குடிநீர்ப் பற்றாக்குறையை தீர்க்கும் வகையில், நகராட்சி நிருவாகம் மற்றும் குடிநீர் வழங்கல் துறை மூலம் 7 கோடியே 2 லட்சம் ரூபாய்க்கு நீர் ஆதாரங்கள் மேம்படுத்துதல் மற்றும் குடிநீர் விநியோகத்தை மேம்படுத்துதல்; 18 கோடியே 3 லட்சம் ரூபாய்க்கு பேரூராட்சிகளில் குடிநீர் வழங்குதல்; மற்றும் 12 கோடியே 20 லட்சம் ரூபாய்க்கு நகராட்சிகளில் குடிநீர் வழங்கல் என 37 கோடியே 25 லட்சம் ரூபாய், மதிப்பிலான திட்டங்கள் மேற்கொள்ளப்படும்.

8) தற்போது அறிவிக்கப்பட்டுள்ள நிவாரண உதவிகள் மூலம், தமிழக அரசுக்கு 2,143 கோடியே 60 லட்சம் ரூபாய் செலவு ஏற்படும்.

9) இதுவன்றி, பொதுப் பணித் துறை மூலம் ஏரிகள் தூர் வாருதல்; குளங்கள் சீரமைத்தல் போன்ற பணிகளும் மேற்கொள்ளப்படும்.

10) தமிழ்நாட்டின் ஏனைய பகுதிகளிலும் மழை குறைவாக பெய்துள்ளதால், சென்னை நீங்கலாக ஏனைய 31 மாவட்டங்களும் வறட்சி மாவட்டங்களாக அறிவிக்கப்படும்.

11) இதனையடுத்து, அனைத்து மாவட்டங்களிலும் விவசாயிகள் செலுத்த வேண்டிய நில வரி தள்ளுபடி செய்யப்படும்.

12) வறட்சி காரணமாக விவசாயிகள் தங்கள் கடனை திரும்பச் செலுத்துவதில் ஏற்பட்டுள்ள சிரமத்தினைக் கருத்தில் கொண்டு, விவசாயிகள் பெற்றுள்ள கூட்டுறவுக் கடன்கள் மாற்றி அமைக்கப்படும். அதாவது, சநளஉhநனரடந செய்யப்படும்.

13) டெல்டா மாவட்டங்கள் நீங்கலாக, பிற மாவட்டங்களில் உள்ள 3 லட்சத்து 34 ஆயிரம் விவசாயத் தொழிலாளர்கள் பயன் பெறும் வகையில் தேசிய ஊரக வேலை உறுதித் திட்டத்தின் கீழ் வேலை வாய்ப்பு அளிக்கப்படும். 100 நாட்கள் பணி வரம்பு என்பது, 150 நாட்களாக உயர்த்தப்படும்.

14) மாநிலம் முழுவதற்குமான வறட்சி கோரிக்கை மனு, அதாவது னுசடிரபாவ ஆநஅடிசயனேரஅ தயார் செய்யப்பட்டு, நிவாரணம் கோரி மத்திய அரசுக்கு அனுப்பப்படும்.

15) விவசாயிகள் இறப்பு பற்றி இந்த அவையில் பல உறுப்பினர்கள் பேசி உள்ளனர். 9 விவசாயிகள் தற்கொலை செய்து கொண்டு இருந்தாலும் அதற்கு பயிரிழப்பு காரணமில்லை. இருப்பினும், பல்வேறு காரணங்களால் தற்கொலை செய்து கொண்டுள்ள விவசாயிகளின் உயிரிழப்பினால் துயரம் அடைந்துள்ள அவர்தம் குடும்பத்தினரின் வறிய நிலையைக் கருத்தில் கொண்டு, இந்த 9 குடும்பத்தினருக்கும் தலா மூன்று லட்சம் ரூபாய் வழங்கப்படும்.

மேற்கண்ட அறிவிப்புகள் விவசாயிகள் துயர் துடைக்க வழிவகை செய்யும் என நான் உறுதியாக நம்புகிறேன்.

இவ்வாறு அந்த அறிக்கையில் கூறப்பட்டுள்ளது.

எனக்கு சொத்துக்கள் முக்கியம் அல்ல நாடு தான் முக்கியம் கமல் பேட்டி

மனதில் பட்டதை செய்ய கூடியவன் நான்.

ஆப்ஹானிஸ்தானை கதை களமாக கொண்டு விஸ்வரூபம் படம் எடுக்கப்பட்டுள்ளது.

இது இஸ்லாமியர்களுக்கு எதிரான படம் அல்ல.

எனக்கு அரசியல் முக்கியம் அல்ல மதம் இல்லை மனித நேயம் மட்டுமே முக்கியம்.

சொத்துக்களை விற்றும் கடன் வாங்கியும் விஸ்வரூபம் படம் எடுத்துள்ளேன்.

இந்த படத்திற்காக நான் மிகுந்த பொருட் செலவு செய்துள்ளேன். நான் நின்று கொண்டிருக்கும் இந்த வீடு உட்பட என்னுடைய அனைத்து சொத்துக்களையும் இந்த படத்திற்காக அடமானம் வைத்திருக்கிறேன். படம் ரிலீஸ் தேதி தள்ளிப்போகப் போக நான் நிற்கும் இந்த கட்டடம் கூட எனக்கு சொந்தமில்லாமல் போகும். அநேகமாக இதுவே கூட நான் இங்கிருந்து அளிக்கும் கடைசி பேட்டியாக அமையலாம்.

படத்துக்கு தடை நீடித்தால் எனது சொத்துக்களை இழக்க நேரிடும் .

நாட்டின் ஒற்றுமைக்காக எனது சொத்துக்களை இழக்க தயார்.

தனக்கு கிடைக்க வேண்டிய நீதி தாமதமாக கிடைக்கப்பட்டுள்ளது.

அரசியல் விளையாட்டில் நான் ஒரு பகடை காயாக உருலப்பட்டுள்ளேன்.

விழுந்தாலும் விதையாக விழுவேன், எழுந்தால் மரமாக எழுவேன். தனி மரம் தோப்பாகாது என்று நினைக்கலாம். இந்த மரத்தில் பல பல சுதந்திரப் பறவைகள் வந்து அமரும். சோலைகள் உருவாகும். மீண்டும் விதைகள் பல உ6Aவாகும். ஆனால் முதல் விதை நானாக இருப்பேன். எனக்கு மதம், அரசியல் சார்பு இல்லை. ஆனால் என் திறமை என்னுடன் இருக்கும்.

தனது ரசிகர்கள் அமைதியாக இருக்க வேண்டும் .

இவ்வாறு கமல் தனது பேட்டியில் கூறியுள்ளார.

சூப்பர் ஸ்டார் ரஜினியுடன் அமரிக்க மேரிலான்ட் துணைச் செயலர் சந்திப்பு

சூப்பர் ஸ்டார் ரஜினியுடன் அமரிக்க மேரிலான்ட் துணைச் செயலர் சந்திப்பு – அமெரிக்க அரசு விருந்தினராக வருமாறு அழைப்பு!

சென்னை: சூப்பர் ஸ்டார் ரஜினியை தங்கள் அரசு விருந்தினராக வருமாறு அமெரிக்காவின் மேரிலான்ட் மாகாண அரசு அழைப்பு விடுத்துள்ளது.
மேரிலான்ட் மாகாணத்தின் வெளியுறவுத் துறை துணைச் செயலர் (அமைச்சர் ) டாக்டர் ராஜன் நடராஜன் இந்த அழைப்பினை ரஜினியை அவரது இல்லத்தில் இன்று நேரில் சந்தித்து வழங்கினார்.
மேலும் சூப்பர் ஸ்டார் ரஜினியின் பிறந்த நாள் நூற்றாண்டுக்கொரு முறை வரும் 12.12.12 என்ற அபூர்வ தேதியில் அமைந்துள்ளதற்கு, மேரிலான்ட் மாகாண கவர்னர் திரு மார்ட்டின் ஓமாலி அனுப்பிய வாழ்த்துச் செய்தியை, டாக்டர் ராஜன் வாசித்து அளித்தார். அதனை மகிழ்வுடன் ஏற்றுக் கொண்டார் சூப்பர் ஸ்டார் ரஜினி.
கவர்னர் மார்ட்டின் ஓமாலி தனது வாழ்த்துரையில், “சூப்பர் ஸ்டார் ரஜினிகாந்த் அவர்களுக்கு, நீங்கள் இந்திய சினிமாவில் சூப்பர் ஸ்டாராக நீண்ட காலம் வெற்றிகரமாக திகழ்வது மகிழ்ச்சியை அளிக்கிறது. எங்களது வாழ்த்துகளைத் தெரிவித்துக் கொள்கிறோம். மேலும் இந்த துறையில் பல சாதனைகளைச் செய்து, அளவிலா புகழை அடைந்துள்ளீர்கள் என்பதில் மிகுந்த மகிழ்ச்சி. இந்த பிறந்த நாள் வாழ்த்தின் மூலம் நீங்கள் வளமாகவும், மகிழ்ச்சியாகவும், எல்லா வளமும் பெற்று, உலகெலாம் பரவியிருக்கும் உங்கள் பல கோடி ரசிகர்களின் ஆதரவுடன் மேலும் மேலும் வெற்றி பெற வேண்டும் என்று எங்களின் மேரிலாண்ட் மாகாண அரசாங்க வாழ்த்துச் சான்றின் மூலம் தெரிவித்துக் கொள்கிறேன்,” என்று குறிப்பிட்டுள்ளார்.
இந்த வாழ்த்துச் சான்றை சூப்பர் ஸ்டாரிடம் டாக்டர் ராஜன் வழங்கினார்.
மேரிலாண்ட் அரசின் பிரதிநிதி டாக்டர் ராஜனின் வாழ்த்தையும் அழைப்பையும் ஏற்ற சூப்பர் ஸ்டார் ரஜினி, நிச்சயம் அமெரிக்காவுக்கு வருவதாகத் தெரிவித்தார்.
சுமார் அரை மணி நேரம் நடந்த இந்த சந்திப்பின்போது, சூப்பர் ஸ்டாரிடம் பல கருத்துக்களையும் தகவல்களையும் பரிமாறிக் கொண்டார் டாக்டர் ராஜன்.
ஹாலிவுட் மற்றும் பாலிவுட் படங்களுக்கு நிகராக சூப்பர் ஸ்டாரின் படங்கள் எப்படி அமெரிக்கா மற்றும் உலக மக்களால் பாராட்டப்படுகின்றன, ரசிக்கப்படுகின்றன என்பதை டாக்டர் ராஜன் விளக்கியபோது, மகிழ்ச்சி தெரிவித்தார் சூப்பர் ஸ்டார்.
22 வயது இளைஞர் சூப்பர் ஸ்டார்…
ஒவ்வொரு அமெரிக்கனுக்கும் தரமான வாழ்க்கை என்பது 40-க்குப் பிறகுதான் ஆரம்பிக்கிறது – இது அமெரிக்காவில் பிரபல பழமொழி. அப்படிப் பார்க்கும் போது நீங்கள் 62 வயதைத் தொட்டிருந்தாலும், நீங்கள் 22 வயது இளைஞர்தான்… என டாக்டர் ராஜன் கூறியபோது, மனம் விட்டுச் சிரித்தார் சூப்பர் ஸ்டார் அவர்கள்.
இந்தியர்களுக்கு அமெரிக்காவில் எத்தகைய வாய்ப்புகள் காத்திருக்கின்றன என்பதை விரிவாக டாக்டர் ராஜன் விளக்கியதை கவனத்துடன் கேட்டுக் கொண்டார் சூப்பர் ஸ்டார்.
அமெரிக்க வாழ் தமிழர்கள் குறித்து மிகுந்த அக்கறையுடன் டாக்டர் ராஜனிடம் சூப்பர் ஸ்டார் விசாரித்தார். அமெரிக்க அரசியலில் இத்தனை உயரிய பதவியில் இருக்கும் முதல் இந்தியர் – தமிழர் அதுவும் நம்ம புதுக்கோட்டையைச் சேர்ந்தவர் டாக்டர் ராஜன்தான் என்பதை அறிந்து வியப்பும் மகிழ்ச்சியும் தெரிவித்தார்.
சூப்பர் ஸ்டாரிடம் டாக்டர் ராஜன் பேசும்போது, “தமிழர்களின் பெருமை நீங்கள்.. உங்கள் ப்ளட்ஸ்டோன் படத்தை அமெரிக்கர்கள் பார்த்து ரசித்தனர். ஹாலிவுட்டிலேயே கோலோச்சும் அளவுக்கு உங்களுக்கு வாய்ப்புகள் இருந்தும், அவற்றை ஏற்காமல் தமிழுக்காகவும் தமிழருக்காகவும் உழைத்துக் கொண்டிருக்கிறீர்கள். தமிழையும் தமிழர் நலன் காக்கவும் மிகுந்த கவனம் செலுத்தி வருவதை உலகமே கவனித்துக் கொண்டிருக்கிறது. அமெரிக்காவில் வசிக்கும் தமிழர்கள் மட்டுமல்லாது, பிற நாட்டினரும் கூட மிகுந்த ஆர்வத்துடன் உங்கள் படங்களைப் பார்க்கின்றனர்,” என்றார்.
மேரிலான்ட் அரசின் அழைப்பு மற்றும் வாழ்த்துக்கு டாக்டர் ராஜனிடம் நன்றி தெரிவித்த சூப்பர் ஸ்டார், சந்திப்பு முடிந்ததும் டாக்டர் ராஜனை அன்புடன் வழியனுப்பி வைத்தார்.
இந்த சந்திப்பு குறித்து டாக்டர் ராஜன் செய்தியாளர்களிடம் கூறுகையில், “சூப்பர் ஸ்டார் ரஜினியின் அன்பும் உபசரிப்பும் என்னை வரவேற்ற விதமும் நெகிழ வைத்துவிட்டன. அவர் பெரும் கலைஞர் மட்டுமல்ல, மாபெரும் மனிதர். எளிமையின் சிகரம். உன்னதமானர். அவரைப் போன்ற பண்பாளரைச் சந்தித்தது மிகுந்த நிறைவாக உள்ளது. தமிழர்களின் பெருமை நமது சூப்பர் ஸ்டார் என்று கூறுவதில் நான் பெருமை அடைகிறேன். அவரை அமெரிக்க அரசு விருந்தினராக வரவேற்பதை நானும் எங்கள் அரசும் கவுரவமாகக் கருதுகிறோம். அமெரிக்கா அவருக்கு மிகப் பெரிய மரியாதையைச் செய்யக் காத்திருக்கிறது,” என்றார்.
இந்த சந்திப்பின்போது நடிகர் சார்லி, பத்திரிகையாளர் டாக்டர் சங்கர் ஆகியோர் உடனிருந்தனர்.
அமைதிப்படை பார்ட்-2 நாகராஜ சோழன் எம் ஏ எம் எல் ஏ முப்பெரும் விழா!

சத்யராஜ் -மணிவண்ணன் காம்பினேசன் என்றாலே அந்த படத்தில் ஒரு பரபரப்பு இருக்கும். இன்னார் என்று பாராமல் கலாய்க்கும் அரசியல் காமடி சிரிக்கவைத்து விலா   எலும்புகளை பதம் பார்க்கும். மொத்தத்தில் இந்த காம்பினேசன் பெரிய ஹிட் கொடுத்த படங்கள் ஏராளம். வாழ்க்கை சக்கரம்,நூறாவது நாள், புதுமனிதன்,மாமன் மகள் போன்ற படங்கள் உதாரணம். சத்யராஜ் நடித்த சட்டையர் படங்கள் பெருமளவில் வரவேற்பை பெற்றுள்ளது குறிப்பிடத்தக்கது.
முழுக்க முழுக்க அப்படியான ஒரு சமீபத்திய அரசியல் சட்டையர் படமாகவும், சிரிக்க வைக்கவும் தயாராகி வருகிறது நாகராஜ சோழன் எம் ஏ எம் எல் ஏ.
அமைதிப்படையின் இரண்டாம் பாகம் -நாகராஜ சோழன் எம் ஏ எம் எல் ஏ. சத்யராஜ், மணிவண்ணன், சீமான், ரகுமணிவண்ணன், வையாபுரி, எம் எஸ் பாஸ்கர், கோமல்ஷர்மா, வர்ஷா, மிருதுளா, அன்சிபா, கிருஷ்ணமூர்த்தி என்ற மிகப்பெரிய நடிப்பு பட்டாளம் நடிக்க படம் பெரும்பாலும் கேரளா எல்லைகளில் உள்ள காடுகளில் படமாக்கப்பட்டு அடுத்த கட்ட வேலைகள் நடைபெற்று வருகிறது.
நாகராஜ சோழனின் சிறப்பம்சம் மணிவண்ணனின் இயக்கத்தில் உருவாகும்  ஐம்பதாவது படம்.   தவிர, சத்யராஜின் நடிப்பில் வெளிவரும் இருநூறாவது படம். இதனால் இதன் ஆடியோ மற்றும் ட்ரைலர் வெளியீட்டை மிகப்பிரம்மாண்டமாக நடத்த திட்டமிட்டு வருகின்றனர் வி  ஹவுஸ் ப்ரொடக்சன்ஸ்.
ஆடியோ மற்றும் ட்ரைலர் வெளியீடு, சத்யராஜின் இருநூறாவது பட விழா, மணிவண்ணனின் ஐம்பதாவது பட விழா, என முப்பெரும் விழாவாக சென்னை டிரேட் சென்டரில் வைத்து பிரபல நடிகர் நடிகர்கள் கலந்துகொள்ள பிரமாண்ட விழாவாக விரைவில் நடக்க உள்ளது என தெரிவித்தனர்  தயாரிப்பாளர்களான  சுரேஷ் காமாட்சி மற்றும் எஸ். ரவிச்சந்திரன்.
ஜீவா, துளசி ஜோடியாக நடிக்கும் யான்

உலக அளவில் பெறும் பெயரும் புகழும் பெற்ற ஒளிப்பதிவாளர்  ரவி .கே . சந்திரன்  ,  R.S.INFOTAINMENT  நிறுவனம் ஏராளமான பொருட்செலவில் தயாரிக்கும்  ‘ யான் ‘ திரைப்படத்தின் மூலமாக இயக்குனராகவும் அறிமுகமாவது  தெரிந்ததே!!! ஒளிபதிவில்  சாதனை படைத்த இவரின் இயக்க  பனி பல்வேறு தரப்பினரையும்  படத்தின் மேல் வைத்திருந்த எதிர்பார்ப்பை கூட்டி உள்ளது. ஜீவா – துளசி ஜோடியாக நடிக்கும் இந்த இளமை  ததும்பும்  காதல் கதையின் இரண்டு கட்ட படப்பிடிப்பு  மும்பை அருகே உள்ள கர்ஜத் பகுதியிலும் ஹைதராபாத் நகரிலும் முடிந்தது !!! ‘ ஜீவா – துளசி இருவரின் வசியபடுத்தும் நடிப்பை எந்த அளவுக்கு பாராட்டினாலும் தகும் என பெருமிதத்துடன் கூறும் இயக்குனர் அடுத்த கட்ட படப்பிடிப்பு  இம்மாதம் 26 ஆம் தேதி தொடங்க உள்ளது.

இக்கட்டதுடன் 70%படப்பிடிப்புமுடிவடைகிறது .அடுத்த கட்டமாக மொராக்கோ நாட்டுக்கு செல்ல உள்ள ‘ யான் ‘ பட குழுவினர் ரசிகர்களுக்கு முற்றிலும் ஒரு புதிய அனுபுவம் தருவோம் என நம்பிக்கை தெரிவித்தனர் !!!

விடா முயற்சிக்கு பெயர் பெற்ற அஜீத்

விடா முயற்சிக்கு பெயர் பெற்ற அஜீத் உலக புகழ் பெற்ற சில்வெஸ்டர் ஸ்டாலோன் நடித்த  ராக்கி திரைபடத்தின் மையகருத்து “நீ ஓருவனை எவ்வளவு வேகமாக அடிக்கிறாய் என்பது முக்கியமல்ல….அடிவாங்கியும் எழுந்து நிற்கிறாய் என்பதே முக்கியம்” இக்கருத்துக்கு சான்றாக இருப்பது நடிகர் அஜித்குமார் என்றால் அது மிகையாகது. தனது வாழ்கையில் ஒவ்வொரு காலகட்டத்திலும் தடைகளை   ஏணிப்படிகளாக மாற்றுவதும் …வேதனையை சாதனையாக மாற்றிவிடுவதும் அவரது இயல்பென ஆகி விட்டது .

சமீபத்தில் மும்பையில் விஷ்ணுவர்த்தன் இயக்கத்தில் நடந்த  படபிடிப்பில் நடந்த  ஒரு விபத்து மூலமாக படு காயம் அடைந்த அவர் இப்போது மீண்டும் படபிடிப்பு துவங்கியதை தொடர்ந்து தீவிர…உடற் பயிற்சி மூலம் தன்னை மெருகேற்றி வருகிறார்.இளம் பயிற்சியாளர் சிவா அஜீத் குமார் அவர்களின் காயத்தை மனதில் கொண்டு அதற்கேற்ற பிரத்தியேக உடற் பயிற்சி முறையை அறிமுக படுத்தினார்.விடா முயற்சிக்கு பெயர்  பெற்ற அஜீத் அவரது ரசிகர்களுக்கு மட்டுமின்றி மற்றவர்களுக்கும்  ஒரு முன்னுதாரணம்தான் !!!

விடா முயற்சிக்கு பெயர் பெற்ற அஜீத்

4 வது நார்வே தமிழ் திரைப்பட விழா 2013 சுந்தரபாண்டியன், கும்கி உள்பட 15 படங்கள் தேர்வு!

நான்காவது நார்வே தமிழ் திரைப்பட விழா 2013- கோலாகலமாகத் தொடங்குகிறது. இந்த முறை ஐரோப்பாவின் முக்கிய நகரங்களான லண்டன், பெர்லின் மற்றும் ஆஸ்லோவில் இந்த விழா ஏப்ரல் 24ம் தேதி தொடங்கி 28-ம் தேதி வரை நடக்கிறது.
இந்த விழாவுக்காக தேர்வு செய்யப்பட்ட படங்களை அறிவிக்கும் பத்திரிகையாளர் சந்திப்பு இன்று சென்னை 4 பிரேம்ஸ் திரையரங்கில் நடந்தது.
தேர்வு செய்யப்பட்ட படங்களை விழாவின் இயக்குநர் வசீகரன் சிவலிங்கம் சார்பில், ஒருங்கிணைப்பாளர் டாக்டர் எஸ் சங்கர் வெளியிட்டார்.
படங்களின் பட்டியல்:
சுந்தரபாண்டியன்
பிட்சா
வழக்கு எண் 18 / 9
அட்டைக் கத்தி
கும்கி
சாட்டை
நடுவுல கொஞ்சம் பக்கத்தைக் காணம்
டோனி
ராட்டினம்
நீர்ப்பறவை
ஒருகல் ஒருகண்ணாடி
புதுமுகங்கள் தேவை
இனியவளே காத்திருப்பேன் (ஆஸ்திரேலியா)
இனி அவன் (இலங்கை)
சகாராப் பூக்கள் (கனடா)
இந்த நிகழ்ச்சியில் கும்கி பட இயக்குநர் பிரபு சாலமன், நீர்ப்பறவை இயக்குநர் சீனு ராமசாமி, அட்டக்கத்தி இயக்குநர் ரஞ்சித், சாட்டை இயக்குநர் அன்பழகன், ராட்டினம் இயக்குநர் தங்கசாமி, நடுவுல கொஞ்சம் பக்கத்தைக் காணோம் இயக்குநர் பாலாஜி தரணிதரன், புதுமுகங்கள் தேவை பட இயக்குநர் மணீஷ்பாபு, பிட்சா பட இயக்குநர் கார்த்திக் சுப்புராஜ், ரெட் ஜெயன்ட் சார்பில் சுந்தர் ஆகியோர் கலந்து கொண்டனர்.
நார்வே திரைப்பட விழா பிஆர்ஓ ஏ ஜான் அனைவரையும் வரவேற்று, தொகுத்து வழங்கினார்.
பாலா சார் பட வாய்ப்பு என்றால் சம்பளம் கூட வேண்டாம்-ஒளிப்பதிவாளர் ஏ.வி.வசந்த்

பாலா படத்தில் என்றைக்கு பணியாற்ற வாய்ப்பு கிடைக்கிறதோ அன்று தான், தான் முழுமை அடைந்தாக அர்த்தம் என்று கூறுகிறார் ஒளிப்பதிவாளர் ஏ.வி.வசந்த். இவர் அண்மையில் வெளியான “கள்ளத் துப்பாக்கி’ படத்தின் ஒளிப்பதிவாளர்.

திருநெல்வேலிக்காரரான இவர். ஒளிப்பதிவு மோகத்தால் கிறங்கிக் கிடந்தவர். சந்தோஷ் சிவன்,பி.சி.ஸ்ரீராம்,ரத்னவேலு போன்றவர்களின் ஒளிப்பதிவில் மெய் மறந்தவர்.

இந்த ஆர்வத்தில் சென்னையில் தங்கி சூளைமேட்டில் மேல்நிலைப் பள்ளியில் படித்தார். தமிழ்நாட்டிலேயே சென்னை சூளைமேடு மாநாகராட்சி மேல்நிலை பள்ளியில் மட்டும்தான் மேல்நிலை அதாவது ஹையர் செகண்டரி வகுப்பில் போட்டோ கிராபி பிரிவு உள்ளது. இதில் சேர்ந்து படித்தால் திரைப்படக் கல்லூரியில் இடம் கிடைக்கும் என்கிற நம்பிக்கையில் படித்தார் வசந்த்.

12ஆம் வகுப்பு முடித்ததும் தரமணி திரைப்படக் கல்லூரியில் பதினிடுதல் பிராசசிங் பிரிவில் தான் இடம் கிடைத்தது. என்னுடன் படித்த மனுஷ்நந்தன் நண்பனானதால் இவர் வீட்டிலேயே தங்கிப் படித்தேன். என் நண்பணின் தந்தைதான் எழுத்தாளர் ஞானி. இவர் நடத்திய ‘பரீக்ஷா’ நாடகக் குழுவிலும் சேர்ந்து நடித்தேன். அவர் மூலம் என் கலையறிவு விசாலமானதை உணர்ந்தேன். பிராசசிங் துறையில் படிப்பு பெற்றாலும் என் கவனம் ஒளிப்பதிவுத்துறையிலும் இருந்தது. ஒளிப்பதிவு வகுப்புகளுக்கு தவறாமல் ஆஜராகிவிடுவேன். ஒளிப்பதிவு மாணவர்களுடன் நட்புடன் பேசிப் பழகி நிறைய கற்றுக் கொண்டேன். மானசீகமாக ஒளிப்பதிவு மாணவனாக இருந்தேன்.


பிலிம் இன்ஸ்டிடியூட் படிப்பு முடிந்ததும் நேரே கே.வி.ஆனந்த் சாரைப் பார்த்தேன் உதவியாளராக வாய்ப்பு கேட்டேன். அப்போது அவர் படம் இயக்கும் திட்டத்தில் இருந்தார். எனவே அவர் மூலம் ஒளிப்பதிவாளரான சௌந்தர்ராஜன் சாரிடம் சேர்ந்தேன். என்னை அன்போடு அரவணைத்து உதவியாளனாக்கிக் கொண்டார். சௌந்தர்ராஜன் சாரிடம் வேறு ஒரு உலகத்தில் இருப்பதைப் போல உணர்ந்தேன். செயல்வழியே நிறையவே கற்றுக் கொடுத்தார். படிப்பறிவு வேறு செயல்முறை அனுபவம் வேறு என்பது புரிந்தது.
நான் முதலில் உதவியாளராகி வேலை பார்த்த ‘ஆதி’ அதன்பின் ‘அறை எண் 305ல் கடவுள்’ தவிர 150 விளம்பரப் படங்களுக்கும் என் குருநாதருடன் இணைந்து பணியாற்றினேன்.

பிறகு ‘பட்டியல்’,’சிவாஜி’.’பில்லா’, போன்ற படங்களுக்கு க்ளாஷ் ஒர்க் செய்திருக்கிறேன். உதவி கேமராமேனாக ‘முத்திரை’,’மன்மதன் அம்பு’ படங்களில் உதவியாளராக செகண்ட் யூனிட் கேமரா மேனாக பணியாற்றியுள்ளேன் என்கிறார் வசந்த். திரைப்பட உதவி ஒளிப்பதிவு அனுபவங்களுடன் நாளைய இயக்குநர் சீசன் 3 மற்றும் சில குறும்படங்கள் விளம்பரப் படங்கள் எப்போதும் வீடியோ கவரேஜ் என்று எப்போதும் தன் கைப்பிள்ளை போல கேமராவை கைவிடாமல் தொடர்ந்து இயக்கியே வந்திருக்கிறார் வசந்த்.

திரைப்படக் கல்லூரி அனுபவம், ஒளிப்பதிவு உதவியாளராக அனுபவம்,ரஜினி,கமல்,விஜய்,அஜித் போன்ற நட்சத்திரங்களுடன் பணியாற்றிய பெருமை என இத்தனையும் இருந்தும் நல்லதொரு தனியான வாய்ப்புக்காகக் காத்திருந்த வசந்துக்கு ஒளிப்பதிவாளர் என்கிற பதவி உயர்வு ‘கள்ளத் துப்பாக்கி’ படம் மூலம் கிடைத்துள்ளது.

‘கள்ளத் துப்பாக்கி’ யின் டைரக்டர் லோகியாஸ் தயாரிப்பாளர் ரவிதேவன் இருவரும் நல்லதொரு திட்டத்துடன் இருந்தனர். இந்தப் படத்தை முழுதாக ஒத்திகை பார்த்துவிட்டு அதன்பிறகே எடுப்பது என்கிற தெளிவாக இருந்தனர். அதனால் படத்தின் சம்பந்தப்பட்ட காட்சிகள் அனைத்தையும் EX3 கேமரா மூலம் முதலில் ரிகர்சலுக்காக எடுத்தோம். பிறகு அதே காட்சிகளை அதே இடத்தில் ரெட் 1 கேமரா மூலம் எடுத்து படமாக்கினோம்.

படத்தில் நடித்தவர்கள் 5 பேரும் புதியவர்கள். எனவே எல்லாமே சொல்லிக் கொடுத்து சரியாக வந்த பின்புதான் எடுத்தோம் என்கிறார்.

எல்லா ஒளிப்பதிவாளர்களையும் பிடிக்கும் என்கிற இவர்., சந்தோஷ் சிவனின் ஒளியமைப்பில் மனம் லயிப்பாராம். அழகற்றவரைக் கூட அழகாக காட்டுவது அவர் பாணி. அது தனக்கும் பிடிக்கும் என்கிறார். பி.சி.ஸ்ரீராம்,ரத்னவேலு,அர்தர் வில்சன்,ஆர்.டி.ராஜசேகர் என்று தொடர்ந்து ‘கும்கி’ சுகுமார் வரை தனைக் கவர்ந்தவர்கள் பலர் உண்டு ‘ என்கிறார்.

‘ஒவ்வொரு படமும் ஒவ்வொரு அனுபவம் நான் இப்போது ‘ஈகோ’ என்கிற படத்தில் பணியாற்றி வருகிறேன். ‘கந்தக்கோட்டை’ சக்திவேல் இயக்கும் படம்தான் ‘ஈகோ’

நான் பாலா சார் படத்தில் பணியாற்ற மிக மிக கனவுடன் இருக்கிறேன். பாறாங்கல்லில் சிற்பத்தைக் கண்டு பிடிப்பவர் அவர். பாலா சார் படங்களில் ஒளிப்பதிவு சிறப்பாக இருக்கும். அவர் படத்தில் பணிபுரிவது என் கனவு அதை நான் அடைந்தே தீருவேன். அவர் படத்தில் பணியாற்றிய பின்பே நான் முழுமை அடைவேன். அவர் பட வாய்ப்பு என்றால் சம்பளம் கூட வேண்டாம் அனுபவம் போதும் என்கிறார் ஒளிப்பதிவாளர் வசந்த். இந்தக் கனவை அடைய தினம்தோறும் கற்றுக் கொண்டும் இருக்கிறார். கனவு மெய்ப்பட வாழ்த்தலாம்

பாரிஸில் நடை பெற்ற உலக திரைப்பட விழாவில் வழக்கு எண் 18/9 சிறந்த திரைப்படமாக தேர்வு

பாரிஸில் நடை பெற்ற உலக திரைப்பட விழாவில் வழக்கு எண் 18/9 சிறந்த திரைப்படமாக தேர்வு பெற்றுள்ளது இந்த விருது பெறும் முதல் இந்திய திரைப்படம் 

முதல் தெற்கு ஆசிய திரைப்பட விழா – பாரீஸ்

பாரீஸில் ஜனவரி(2013) 16-ஆம் தேதி முதல் 20-ஆம் தேதி வரை “முதல் தெற்காசிய திரைப்பட விழா” (SAFF) நடைபெற்றது. இதில் இந்தியா, பாகிஸ்தான், பங்களாதேஷ், ஸ்ரீலங்கா மற்றும் நேபாளம் போன்ற நாடுகளிலிருந்து திரைப்படங்கள் பங்கேற்றன.

வழக்கு எண் 18/9 – முதல் இந்தியத் திரைப்படம்

இந்தியத் திரைப்படம் என்றாலே இந்தித் திரைப்படம் என்ற வரம்பைத் தாண்டி நடைபெற்ற இந்த விழாவில் பல்வேறு ஆசிய மொழி திரைப்படங்கள் திரையிடப்பட்டன. அவற்றில் திருப்பதி பிரதர்ஸ் பிலிம் மீடியா லிட் நிறுவனம் தயாரித்து, சமீபத்தில் வெளிவந்த “வழக்கு எண் 18/9” சிறந்த திரைப்படமாக தேர்வு செய்யப்பட்டுள்ளது. இதன் தயாரிப்பாளர் N. லிங்குசாமியும் இயக்குநர் பாலாஜி சக்திவேலும் பாரீஸில் நடந்த இந்த விழாவில் கலந்து கொண்டனர்.