வியா மூவிஸ் தயாரித்துள்ள திரைப்படம் செய் அல்லது செத்து மடி. இத்திரைப்படத்தில் போஸ் வெங்கட், ரத்தன் மௌலி , வடிவுக்கரசி, அழகு, மீசை ராஜேந்திரன் , ராஜதுரை, சிம்மா, சரத்,ஆகியோரும், நாயகிகளாக பெங்களூர் மாடல் அழகிகள் தீப்தி, பிரியங்கா மல்நாட் ஆகியோர் நடித்துள்ளனர். இசை – வேலன் சகாதேவன் , எடிட்டிங் – கோபாலகிருஷ்ணன், வினோத்., பாடல்கள் – பூமி, நடனம் – சிவா, ராக் ஷங்கர், சண்டை பயிற்சி சென்சாய் சேஷு, இத்திரைப்படத்தை இயக்கியுள்ளார் வி கே பூமி..

செய் அல்லது செத்து மடி திரைப்படத்தை பற்றி இயக்குநர் பூமி கூறியாதாவது,

இத்திரைப்படம் ஒரு ஆக்க்ஷன் திரில்லராக உருவாகியுள்ளது..மனிதனாய் பிறந்த ஒருவருக்குள்ளேயும் ஒரு நல்லவன், ஒரு தீயவன் உள்ளான்.நல்லவன் வழியில் கெட்டவன் போனா நன்மை, அதுவே அவன் தடம் மாறினால் அவன் வாழ்க்கை டு ஆர் டை என்ற வசனத்தை மையமாக வைத்து உருவாக்கப்பட்டதுதான் இப்படத்தின் கதை.இத்திரைப்படத்தின் படப்பிடிப்பு பெங்களூரு, சேலம் போன்ற இடங்களில் படப்பிடிப்பு முடிந்தது, இத்திரைப்படத்தின் டிரைலர் இன்று இரவு 12.01மணிக்கு யூடியூப் ல் வெளியிடப்படவுள்ளது.

வெவ்வேறு வகையான படங்களை தேர்ந்தெடுத்து நடிக்கும் துல்கர் சல்மான் தன் தமிழ் சினிமா கேரியரில் பயணம் சார்ந்த ஒரு படத்தையும் சேர்த்துள்ளார். வாயை மூடி பேசவும் மற்றும் ஓகே கண்மணி படங்களின் மூலம் தமிழ் சினிமா ரசிகர்களை வசீகரித்த துல்கர் சல்மான் தமிழ் மற்றும் மலையாளம் என இரு மொழிகளில் உருவாகும் ஒரு படத்தில் நடிக்க ஒப்பந்தமாகி இருக்கிறார். கேனன்யா ஃபிலிம்ஸ் தயாரிக்க, அறிமுக இயக்குனர் கார்த்திக் இயக்கும் இந்த படம் ஒரு பயணம் சார்ந்த பொழுதுபோக்கு படமாக உருவாக இருக்கிறது.

“வழக்கமான கிளிஷே காட்சிகள் இல்லாமல் புதுமையான மற்றும் தனித்துவமான ஒரு பயணம் சார்ந்த படமாக இருக்கும். துல்கர் சல்மான் போன்ற ஒரு நடிகர் இந்த படத்தில் நடிக்க முன்வந்தது படத்துக்கு ஊக்கமாகவும், எனக்கு மகிழ்ச்சியாகவும் இருக்கிறது. படத்தில் மொத்தம் நான்கு நாயகியர் நடிக்கின்றனர். நான்கு கதாபாத்திரங்களுமே நன்கு வடிவமைக்கப்பட்டவை. என் நண்பர் மற்றும் ஒளிப்பதிவாளர் ஜார்ஜ் சி வில்லியம்ஸ் மூலம் துலகர் சல்மானுக்கு நான் கதை சொன்னபோதே துல்கருக்கு கதையும், திரைக்கதையும் பிடித்துப் போய் விட்டது. படத்தின் முன் தயாரிப்பு பணிகள் முழுவீச்சில் நடந்து வருகின்றன, படப்பிடிப்பை துவக்க மிகவும் ஆர்வமாக இருக்கிறோம். தமிழ்நாடு மற்றும் வட இந்தியாவின் சில பகுதிகளில் படப்பிடிப்பு நடத்த திட்டமிட்டிருக்கிறோம். அறிமுக இசையமைப்பாளர் தீன தயாளன் இசையமைக்கிறார். ஜார்ஜ் சி வில்லியம்ஸ் ஒளிப்பதிவு செய்வதில் நான் மகிழ்ச்சி அடைகிறேன். ஸ்ரீகர் பிரசாத் எடிட்டிங் செய்வது எனக்கு பெருமையான விஷயம்” என மகிழ்ச்சியாக பேசிகிறார் அறிமுக இயக்குனர் ரா.கார்த்திக்.

ஆர்.கே. சுரேஷ் நடிக்கும் புதிய படம் ‘தென்னாட்டான் ‘ !

ஆர்.கே. சுரேஷ் நடிக்கும் புதிய படமான ‘தென்னாட்டான் ‘ படத்துக்கு இன்று பூஜை போடப்பட்டது.

தனக்கென ஒரு பாதையைத் தேர்ந்தெடுத்துக் கொண்டு அதில் பயணித்து வருபவர் நடிகர் ஆர்.கே.சுரேஷ். கை நிறைய படங்களுடன் ஓய்வின்றி நடித்து வரும் அவரது அடுத்த படமான ‘தென்னாட்டான் ‘படத்துக்கு இன்று பூஜை போடப்பட்டது.

இப்படத்தில் ஆர்.கே. சுரேஷ் முற்றிலும் புதிய தோற்றத்தில் நடிக்கிறார். படத்தைப் புதுமுக இயக்குநர் எம்.விஜய் பாண்டி இயக்குகிறார். திவிஷா ரேஷ்மா கிரியேஷன் சார்பில் சரவணன் தயாரிக்கிறார்.
‘ தென்னாட்டான் ‘ பட பூஜை இன்று தயாரிப்பு அலுவலகத்தில் எளிமையாக போடப்பட்டது. படக்குழுவினர் கலந்து கொண்டார்கள். ஆகஸ்ட் இறுதியில் படப்பிடிப்பைப் தொடங்குகிறார்கள்.

ஸ்ரேயா ஸ்ரீ மூவிஸ் எல்.எல்.பி தயாரிப்பில், இயக்குனர் இமயம் பாரதிராஜா, விதார்த் நடிப்பில் நித்திலன் இயக்கி இருக்கும் படம் ‘குரங்கு பொம்மை’. இப்படத்தின் பர்ஸ்ட்லுக் போஸ்டரை மலையாள ‘சூப்பர் ஸ்டார்’ மம்முட்டியும், அனிமேஷன் போஸ்டரை ‘மக்கள் செல்வன்’ விஜய் சேதுபதியும், டீசரை ஆர்யாவும் வெளியிட்டார்கள்.

சமீபத்தில் ‘குரங்கு பொம்மை’ படத்தின் பாடல்களை இயக்குனர் இமயம் பாரதிராஜா வெளியிட்டார்.

இதனைத் தொடர்ந்து, இன்று இயக்குநர் முருகதாஸ் தனது டுவிட்டர் பக்கத்தில் ‘குரங்கு பொம்மை’ படத்தின் டிரைலரை வெளியிட்டார். படத்தின் பர்ஸ்ட்லுக் போஸ்டர், அனிமேஷன் போஸ்டர், டீசர் மற்றும் பாடல்களைப் போலவே, டிரைலரும் ரசிகர்களிடையே ஏகோபித்த வரவேற்பைப் பெற்று வருகிறது.

மாலத்திவுக்கான,இந்திய அரசு தூதர் திரு.அகிலேஷ் மிஸ்ரா அவர்கள் 13.6.17 முதல் 15.6.17 வரை இந்தியாவில் அரசு முறை பயணம் மேற்கொண்டார்.அதன் ஒரு பகுதியாக 14.6.17 அன்று சென்னைக்கு வருகைப்புரிந்து பல நிகழ்ச்சியில் பங்கேற்றிருந்தனர். அப்பொழுது தென்னிந்திய நடிகர் சங்கத்தின் நலன் மற்றும் அதன் செயல்பாடுகளை அறிந்துக்கொள்ள இசைந்துள்ளார்கள்.
எனவே இன்று 14.6.17 தென்னிந்திய வர்த்தக சபை அலுவகத்தில் தென்னிந்திய நடிகர் சங்கம் சார்பாக செயற்குழு உறுப்பினர் ஸ்ரீமன் தலைமையில் செயற்குழு உறுப்பினர்கள் மனோபாலா, உதயா A.L, லலிதாகுமாரி ஆகியோர் திரு.அகிலேஷ் மிஸ்ரா அவர்களை சந்தித்தனர்.
தென்னிந்திய நடிகர் சங்க செயல்பாடுகளை கேட்டு அறிந்து தனது வாழ்த்துகளையும் பாராட்டுகளையும் தெரிவித்தார்.
– தென்னிந்திய நடிகர் சங்கம்

நடிகை வரலட்சுமி கடந்த மார்ச் மாதம் “ சேவ் சக்தி “ என்ற இந்த அமைப்பை துவங்கினார். இந்த அமைப்பின் மூலம் அதிக அளவிலான மகிளா நீதிமன்றங்களை ஆரம்பிக்க  கோரிக்கை வைக்கப்பட்டுள்ளது. மாவட்ட அளவில் அதிக அளவிலான மகிளா நீதிமன்றங்கள் ஆரம்பிக்கப்பட்டால் அனைத்து மனுக்களுக்கும் உடனடியாக தீர்ப்புகள் கிடைக்கும் என்பதை கருத்தில் கொண்டு இந்த கோரிக்கை வைக்கப்பட்டுள்ளது. சேவ் சக்தி அமைப்பினர் கடந்த திங்களன்று தமிழக முதலமைச்சர் எடப்பாடி பழனிச்சாமி அவர்களையும் , செவ்வாய் அன்று மாநில சட்ட அமைச்சர் PP. சவுத்ரி அவர்களையும் சந்தித்து கோரிக்கை வைத்தனர். முதல்வரிடம் கோரிக்கை வைத்த போது மறைந்த முன்னாள் முதல்வர் ஜெ. ஜெயலலிதா அம்மா அவர்கள் மகிளா நீதிமன்றங்கள் மீது அதிக கவனம் செலுத்தினார் என்றும் , அதை பற்றியும் தெளிவாக விளக்கினர். அதற்கு  பதிலாக மாநில அரசு நிச்சயம் இதில் தலையிட்டு நடவடிக்கைகளை மேற்கொள்ளும் என்று பதிலளித்து உள்ளனர். மாநில சட்ட அமைச்சரிடம் கோரிக்கை வைத்த போது மகிளா நீதிமன்றங்கள் நாடு முழுவதும் சிறப்பாக இயங்க தாம் உடனடியாக  நடவடிக்கை எடுப்பதாக கூறினார். தேசிய அளவில் இந்த அமைப்பு வெற்றி பெற அமைப்பினரின் செயல்பாடு உதவியாக இருக்கும் என்றும் மேலும் கிராம பகுதி மக்களுக்கு உதவும் வகையில் இன்னும் சிறப்பாக சேவ் சக்தி அமைப்பு செயல்படும் என்கிறார்கள் அமைப்பினர்.

வேலூர் மாவட்ட சூப்பர் ஸ்டார் ரஜினிகாந்த் ரசிகர் நற்பணி மன்றம் சார்பில் 2016-2017 பொதுத் தேர்வில் அதிக மதிப்பெண் பெற்ற மாணவர்களுக்கு நினைவு பரிசு வழங்கப்பட்டது.

சோளிங்கர் நகரில் உள்ள அரசு பள்ளிகளில் 2016-2017ம் ஆண்டு பொது தேர்வில் அதிக மதிப்பெண் பெற்ற 10ம் மற்றும் 12ம் வகுப்பு மாணவ,
மாணவியர்களுக்கு ஊக்கத்தொகையும்,நினைவுபரிசும் வேலூர் மாவட்ட தலைமை ரஜினிகாந்த் ரசிகர் நற்பணி மன்றம் சார்பாக சோளிங்கர் என்.ரவி அவர்கள் வழங்கினார்.
நிகழ்ச்சியில் மாணவர்களுடன் பெற்றோர்கள் மற்றும் பொதுமக்களும் கலந்து கொண்டனர்…

இந்த நிகழ்ச்சியில் நான் நெகிழ்ந்த சில நிகழ்வுகள்.

பெரும்பாலான இது போன்ற நிகழ்ச்சிகளில் மாணவர்கள் நின்று கொண்டும், பரிசு வழங்குபவர்கள் அமர்ந்து கொண்டும் இருப்பார்கள்.

ஆனால் இந்த நிகழ்ச்சியில் மாணவர்களை அமர வைத்து அவர்கள் மத்தியில் நின்று கொண்டு மாணவர்களை ஊக்கப்படுத்தும் வகையில் என். ரவி அவர்கள் பேசினார். மேலும் அவர் படிப்பின் மேன்மையை பற்றியும் மாணவர்கள் மீதான அவரது பற்றையும் மிகத் தெளிவாக விளக்கினார்.

நிகழ்ச்சியில் தலைவர் சூப்பர் ஸ்டார் ரஜினிகாந்த் அவர்கள் உருவம் பதித்த நினைவுப் பரிசையும், ஊக்கத்தொகையும் ரவி அவர்கள் மாணவர்களுக்கு வழங்கினார்.

* இமை : ரயிலில் கேட்ட ஆச்சரிய உண்மைக்கதை திரையில் வருகிறது !

ஒரு முரட்டுத்தனமான காதல் கதையாக உருவாகியுள்ள படம்
‘இமை’ .

இது படு கரடு முரடான வாலிபனுக்கும் கனி போன்ற அப்பாவிப் பெண்ணுக்கும் இடையில் மலரும் காதல் பற்றிய கதை.

இப்படத்தை இயக்கியிருப்பவர் விஜய் கே.மோகன் .இவர் ஏற்கெனவே மலையாளத்தில் ‘நளசரிதம் நாலாம் திவசம் ‘ ,’வேனல் மரம் ‘என இரு வெற்றிப் படங்களை இயக்கியவர்.

படத்தை ஜே அண்ட் பி புரொடக்ஷன்ஸ் சார்பில் ஹார்பிக் வி. டோரி தயாரித்துள்ளார்.

முற்றிலும் புதுமுகங்களின் ஆதிக்கத்தில் இப்படம் உருவாகியுள்ளது.

நாயகனாக சரிஷ் அறிமுகமாகிறார். நாயகியாக அட்சய பிரியா நடித்துள்ளார். இவர் ஏற்கெனவே தமிழில் நடித்து இரண்டு படங்கள் வெளியாகவுள்ளன. பிரகாஷ் ராஜின் மைத்துனரும் டிஸ்கோ சாந்தியின் சகோதரருமான அருண் திருமொழி வர்மன் முக்கிய பாத்திரத்தில் நடித்துள்ளார்.

இயக்குநர் விஜய் கே. மோகன் தான் இயக்கும் முதல் படம் பற்றிப் பேசும்போது,
“திறமைகளுக்கும் புதுமைகளுக்கும் என்றும் தமிழில் வரவேற்பு கிடைக்கும் என்கிற நம்பிக்கை எனக்கு உண்டு.
அந்தத் தைரியத்தில் தான் தமிழில் படம் இயக்கியுள்ளேன் ” என்கிறார் இயக்குநர்.

” ஒரு நாள் ரயிலில் கேட்ட ஒருவரது ஆச்சரியமான உண்மைக்கதையையே ‘இமை’ படமாக உருவாக்கியிருக்கிறேன்.” என்கிறார்.

சென்னை , பாண்டிச்சேரி ,பொள்ளாச்சி . ஊட்டி ,கேரளாவிலுள்ள கோவிந்தபுரம் போன்ற இடங்களில் படப்பிடிப்பு நடைபெற்றுள்ளது.

ஐம்பது நாட்களில் பம்பரமாகச் சுழன்று படத்தை முடித்திருக்கிறது படக்குழு .

நல்லதொரு விஷூவல் ட்ரீட்டாக இருக்கும் படி ஒளிப்பதிவு செய்துள்ளார் ஒளிப்பதிவாளர் வி.கே.பிரதீப் . இவர் ஏராளமான விளம்பரப் படங்களில் பணியாற்றியவர்.

இசையமைப்பாளர்கள் மிக்கு காவில் மற்றும் ஆதி ஃப் என இருவர் இணைந்து இசையமைத்துள்ளனர்.பாடல்கள்- யுகபாரதி , நடனம் _ தீனா, ஸ்டண்ட் – டேஞ்சர் மணி , ஒப்பனை மிட்டா ஆண்டனி .ஜூலையில் ‘இமை’ வெளியாகவுள்ளது.

எந்திரன், நஞ்சுப்புரம் உள்ளிட்ட பல படங்களில் நடித்தவரும் ஜோடி நம்பர் 1, மானாட மயிலாட, டான்ஸ் ஜோடி டான்ஸ் போன்ற தனியார் தொலைக்காட்சி நிகழ்ச்சிகளில் பங்கேற்று புகழ் பெற்றவருமான நடிகர் ராகவ் ரங்கநாதன் “டிக்கெட்” எனும் படத்தை இயக்கி கதாநாயகனாக நடித்துள்ளார்.

இல்யுசன்ஸ் இன்பினிட் சார்பாக ப்ரிதா தயாரிக்கும் “டிக்கேட்” படத்தில் ராகவ் ரங்கநாதன், கார்த்திக் குமார், லக்ஷ்மி பிரியா, சனம் ஷெட்டி, ஐஸ்வர்யா உள்ளிட்ட பலர் நடித்துள்ளனர்.

லண்டனில் உள்ள பாரம்பரியமிக்க எம்பயர் லிய்சிஸ்டர் ஸ்குயர் தியேட்டரில் “லண்டன் இந்தியன் பிலிம் பெஸ்டிவல் (LIFF) 2017” சார்பில் டிக்கெட் படம் பிரத்யேகமாக திரையிடப்படவுள்ளது மேலும் லண்டனிலும் பிர்மின்கமிலும் இப்படம் திரையிடப்படவுள்ளது. இதன் மூலம் இங்கிலாந்தில் மூன்று இடங்களில் ப்ரத்யேகமாக திரையிடப்படும் mudhal tamizh படம் டிக்கெட் என்ற பெருமையை பெற்றுள்ளது.

உலகப் புகழ்பெற்ற ஈரானிய இயக்குநரான மஜித் மஜித் தற்போது இயக்கிவரும் “பியாண்ட் த க்ளவுட்ஸ்” என்ற படம் தமிழிலும் தயாராகிறது.
1992 ஆம் ஆண்டில் வெளியான பாதுக்(Baduk) என்ற ஈரானிய படத்தின் மூலம் இயக்குநரானவர் மஜித் மஜிதி. அறிமுகமான முதல் படத்திலேயே சிறந்த திரைக்கதைக்கான சர்வதேச விருதினை வென்றவர். அதைத் தொடர்ந்து சில்ரன் ஆஃப் ஹெவன்,(Children of Heaven) த கலர் ஆஃப் பாரடைஸ்,( The Color Of Paradise) பாரன்,( Baran) த வில்லோ ட்ரீ, ( The Willow Tree) த சாங் ஆஃப் ஸ்பாரோஸ், (The Song of Sparrows) மொஹமத் தமெசன்ஜர் ஆஃப் காட் (Muhammad The Messenger of God). ஆகிய திரைப்படங்களை இயக்கி சர்வதேச அளவில் அறிவார்ந்த சமூகத்தின் கவனத்தையும் ஈர்த்த படைப்பாளி.
இவர் தற்போது பியாண்ட் த க்ளவுட்ஸ் (Beyond The Clouds) என்ற பெயரில் ஹிந்தி, ஆங்கிலம் என இரண்டு மொழிகளில் படத்தை இயக்கி வருகிறார். இதன் மூலம் இந்திய சினிமாவில் அறிமுகமாகிறார் மஜித் மஜிதி.
ஆங்கிலம் மற்றும் ஹிந்தி மொழியில் ஒரே சமயத்தில் உருவாகி வரும் இந்த படம், தமிழிலும் தயாராகிறது. ஒரே சமயத்தில் மும்மொழி (தமிழ், ஹிந்தி மற்றும் ஆங்கிலம்) களில் தயாராகி வருவதாக படக்குழுவினர் மகிழ்ச்சியுடன் தெரிவிக்கிறார்கள்.
உலகளவில் இந்த படம் பெரிய எதிர்பார்ப்பை உருவாக்கியிருக்கிறது. இதில் ஹிந்தியின் முன்னணி நடிகரான ஷாகித் கபூரின் இளைய சகோதரர் இஷான் கட்டார் கதையின் நாயகனாகவும், மாளவிகா மோகனன் என்ற மலையாள தேசத்து மங்கை கதையின் நாயகியாகவும் நடிக்கிறார்கள். இவர்களுடன் முக்கிய கேரக்டரில் தமிழ் திரையுலகின் மூத்த நடிகையான ஜி வி சாரதா நடிக்கிறார்.
இந்த படம் தமிழில் தயாராகி வருவதற்கான விளக்கத்தை படக்குழு தெரிவிக்கும் போது, ‘இக்கதையில் மூன்று மொழிகள் இயல்பாகவே இடம்பெறுகிறது. அதனால் மூன்று மொழிகளுக்கான மூல அடையாளங்களை நில மற்றும் ஏனைய பின்னணிகளுடன் அதன் பாரம்பரிய தன்மை மாறாமல் படமாக்கி வருகிறோம். ஏனைய திரைப்படங்களைப் போல் நடிகர்களை மட்டும் இடம் மாற்றி , வசனங்களை அந்தந்த மொழிக்கேற்றவாறு சாதாரணமுறையில் மொழிபெயர்ப்பு செய்து, பேச வைத்து படமாக்கவில்லை ’ என்று தெரிவித்துள்ளது.
இதனை படத்தை தயாரிக்கும் ஜீ ஸ்டூடியோஸ் மற்றும் ஐகேன்டீ ஃபிலிம்ஸ் என்ற நிறுவனங்கள் உறுதி செய்திருக்கிறது. அவர்கள் இது குறித்து மேலும் தெரிவிக்கும் போது,‘ மஜித் மஜிதிக்கு உலகம் முழுவதும் இரசிகர்கள் இருக்கிறார்கள். அத்துடன் அவருடைய படைப்பில் இடம்பெறும் கதாப்பாத்திரங்களும், சம்பவங்களும் நடைமுறை வாழ்வில் யதார்த்தமாக இருப்பதை பிரதிபலிப்பவையே. அதே போல இந்த படத்தின் திரைக்கதையிலும் , உள்ளடக்கத்திலும் மூன்று மொழிகளுக்கான கூறுகள் உள்ளன. அதனால் தான் இந்த மூன்று மொழிகளைச் சார்ந்த கலைஞர்களை அதன் மரபு மாறாமல் இருக்கவேண்டும் என்பதற்காக தேர்ந்தெடுத்திருக்கிறார். உதாரணத்திற்கு திரைக்கதையில் தமிழக நகரம் இடம்பெற்றிருந்தால், அவர் தமிழக நகரத்திற்கு வந்து தமிழ் பேசும் மக்களின் பின்னணியில் தான் அந்த காட்சியை படமாக்குகிறார். இதன் மூலம் தன்னுடைய படைப்பிற்கான நேர்மையை வழங்குவதில் தன்னிகரற்று திகழ்கிறார் மஜித் மஜிதி’ என்று பெருமிதத்துடன் சொல்கிறது.
ஜீ ஸ்டூடியோஸ் மற்றும் ஐகேன்டி ஃபிலிம்ஸ் ஆகிய நிறுவனங்கள் இணைந்து தயாரிக்கும் இந்த”பியாண்ட் த க்ளவுட்ஸ்” அண்ணன் தங்கை இடையேயான உறவை மையப்படுத்திய கதையைக் கொண்டது என்பது குறிப்பிடத்தக்கது.