நடிகை பூஜா உமாசங்கர் தொழில் அதிபருடன் ரகசிய திருமணம்

நடிகை பூஜா உமாசங்கர் தொழில் அதிபருடன் ரகசிய திருமணம்

தொழில் அதிபருடன் பூஜா ரகசிய திருமணம் செய்துகொண்டதாக தகவல் வெளியாகி உள்ளது. நான் கடவுள், ஜே ஜே, தம்பி உள்பட பல படங்களில்  நடித்திருப்பவர் பூஜா. இவரது தாய் இலங்கையை சேர்ந்தவர். தந்தை கர்நாடகாவை சேர்ந்தவர். பெங்களூரில் படித்த பூஜா தமிழ், மலையாளம், தெலுங்கு, சிங்கள மொழிப் படங்களிலும் நடித்து வந்தார். தற்போது படங்களில் நடிப்பதை குறைத்துக்கொண்டார். அவ்வப்போது சிங்கள படத்தில் நடிப்பதால் பெரும்பாலும் இலங்கையிலேயே தங்கி இருக்கிறார்.

பூஜாவுக்கும் இலங்கையை சேர்ந்த தொழில் அதிபரும், மாடலிங் நடிகருமான தீபக் சண்முகநாதனுக்கும் கடந்த 2 ஆண்டுக்கு முன் திருமணம் நிச்சயிக்கப்பட்டது. பின்னர் தீபக், பூஜா இருவரும் நட்போடு பழகிவந்தனர். இந்நிலையில் இருவருக்கும் திடீரென்று மனக்கசப்பு ஏற்பட்டது. எனது குணத்துக்கு தீபக்கின் குணம் ஒத்துப்போகாது என்று கூறி அவரை விட்டு பூஜா பிரிந்து விட்டார். இதனால் திருமணம் தடைபட்டது. கடந்த 2 வருட இடைவெளியில் இருவருக்கும் திருமணம் நடந்துவிட்டதாக 2 முறை தகவல்கள் பரவின.

ஆனால் அவை உண்மையில்லை என்று பூஜா மறுத்திருந்தார். இந்நிலையில் இன்று மீண்டும் கொழும்பில் இருவரும் ரகசிய திருமணம் செய்துகொண்டதாக இணைய தளத்தில் தகவல் பரவி வருகிறது. இதுபற்றி அவரிடம் செல்போனில் தொடர்பு கொண்டு கேட்க முயன்றபோது அவரது போன் சுவிட்ச்ஆப் செய்யப்பட்டிருந்தது. இணைய தள டுவிட்டர் பக்கத்திலும் அவரை தொடர்பு கொண்டதற்கு பதில் எதுவும் அளிக்கவில்லை.

Related Post

கதையைக் கேட்டவுடனே நடிக்கச் சம்மதித்த ஆர்.கே சுரேஷ்!

கதையைக் கேட்டவுடனே நடிக்கச் சம்மதித்த ஆர்.கே சுரேஷ்!

இயக்குநர் சொன்ன கதையைக் கேட்டவுடனே நடிக்கச் சம்மதித்த ஆர்.கே சுரேஷ் உடனடியாகப் படப்பிடிப்புக்கும் தயாராகியிருக்கிறார். விநியோகஸ்தராகவும் தயாரிப்பாளராகவும் அறியப்பட்ட ஆர்.கே.சுரேஷ்…