5 பேர் சிறுமிகளை பாலியல் தொழிலில் ஈடுபடுத்தியதாக கைது

5 பேர் சிறுமிகளை பாலியல் தொழிலில் ஈடுபடுத்தியதாக கைது

சிவகங்கை மாவட்டம், காரைக்குடி போலீசில் இரு சிறுமிகள், தங்களை ஒரு கும்பல் பாலியல் தொழிலில் ஈடுபடுத்தியதாக கடந்த ஆகஸ்ட் மாதம் புகார் செய்தனர். இதையடுத்து செக்காலை வீதியில் வீடு எடுத்து பாலியல் தொழில் நடத்திய பூமயில் (58), அவரது மகள் சொர்ணலதா (37) ஆகியோர் கைதாகினர்.

தங்களை பலாத்காரம் செய்ததாக 16 பேரின் விபரங்களை சிறுமிகள் தெரிவித்தனர்.இதுகுறித்து விசாரித்த காரைக்குடி அனைத்து மகளிர் போலீசார், நகராட்சி வருவாய் ஆய்வாளர் பாலகிருஷ்ணன், வியாபாரி செல்வராஜ், பழனியப்பன் ஆகியோரை நேற்று முன்தினம் கைது செய்தனர். இதையடுத்து ஆர்ஐ பாலகிருஷ்ணன் சஸ்பெண்ட் செய்யப்பட்டுள்ளார்.

இந்த வழக்கில் நேற்று, கழனிவாசலை சேர்ந்த, பெட்ரோல் பங்க் ஊழியர் விக்னேஷ்வரன் (25), மீனாட்சிபுரத்தை சேர்ந்த சோப்பு வியாபாரி கமாலுதீன்(42), புதுக்கோட்டை மாவட்டம், அறந்தாங்கியை சேர்ந்த கடலை வியாபாரி தங்கராஜ், அவரது மனைவி சித்ரா, அதிமுக சிறுபான்மை பிரிவு நகரச் செயலாளர் முத்து முகமது ஆகியோர் கைது செய்யப்பட்டனர்.

இதில் தங்கராஜ் மனைவி சித்ரா, சிறுமிகளை பாலியல் தொழிலில் தள்ளிய பூமயிலுக்கு ஏஜென்ட் போல் செயல்பட்டுள்ளார். அடுத்தடுத்த கைதுகளால் இந்த வழக்கு சூடு பிடித்துள்ளது.

Related Post